డైనమిక్ హీరో విష్ణు మంచు డ్రీమ్ ప్రాజెక్ట్‌గా కన్నప్ప చిత్రం రాబోతోన్న సంగతి తెలిసిందే. ఈ చిత్రం పాన్ ఇండియా వైడ్‌గా రిలీజ్ చేయబోతోన్నారు. పాన్ ఇండియా స్థాయికి తగ్గట్టుగానే భారీ క్యాస్టింగ్‌తో ఈ చిత్రం రాబోతోంది. అన్ని ఇండస్ట్రీలకు చెందిన స్టార్ క్యాస్టింగ్ కన్నప్పలో కనిపించబోతోంది. బాలీవుడ్ నుంచి అక్షయ్ కుమార్. మాలీవుడ్ నుంచి మోహన్ లాల్, టాలీవుడ్ నుంచి ప్రభాస్ వంటి దిగ్గజాలు ఈ చిత్రంలో కనిపించనున్నారు.
మోహన్ బాబు, బ్రహ్మానందం, శరత్ కుమార్ వంటి మహామహులు ముఖ్య పాత్రలు పోషించారు. కన్నప్ప సినిమా షూటింగ్‌ అంతా దాదాపు న్యూజిలాండ్లోనే జరిగింది. రెండు భారీ షెడ్యూల్స్‌ను అక్కడ నిర్వహించారు. ఒక్కో షెడ్యూల్ ముప్పై నుంచి అరవై రోజులు జరిగింది. ఇక మిగిలిన కొద్ది పాటి షూటింగ్‌ను రామోజీ ఫిల్మ్ సిటీలో షూట్ చేస్తున్నారు. రామోజీ ఫిల్మ్ సిటీలో వేసిన భారీ సెట్లో అక్షయ్ కుమార్, ప్రభాస్ పోషించే పాత్రలకు సంబంధించిన షూటింగ్‌ను ప్లాన్ చేశారు.
ఆల్రెడీ అక్షయ్ కుమార్ తన ప్టార్‌ను కంప్లీట్ చేశారు. ప్రభాస్ మీద కొన్ని సీన్లను చిత్రయూనిట్ తీస్తోంది. ఈ మూవీని ప్రపంచ వేదిక మీద అందరికీ పరిచయం చేయబోతోన్నారు. వరల్డ్ ఆఫ్ కన్నప్ప పేరితో టీజర్‌ను కేన్స్ ఫిల్మ్ ఫెస్టివల్‌లో ప్రదర్శించనున్నారు. మే 20న జరుగనున్న కేన్స్ ఫిల్మ్ ఫెస్టివల్‌లో కన్నప్ప టీజర్‌ను గ్రాండ్‌గా విడుదల చేయబోతోన్నారు.