మేష రాశి
అశ్విని, భరణి, కృత్తిక 1 వ పాదం వారికి
ఈ వారం వ్యాపారాలు మరిన్ని లాభాలు. ఉద్యోగాలలో పైస్థాయి నుంచి ప్రశంసలు. కళారంగం వారి ఆశలు ఫలిస్తాయి. వారం ప్రారంభంలో ధనవ్యయం. యత్నకార్యసిద్ధి. ఆలోచనలు కార్యరూపం దాలుస్తాయి. ముఖ్య సమావేశాలలో పాల్గొంటారు. ఇంతకాలం పడిన కష్టం ఫలిస్తుంది. వాహనాలు, ఆభరణాలు కొనుగోలు చేస్తారు. పలుకుబడి కలిగిన వ్యక్తులు పరిచయమవుతారు. రావలసిన బాకీలు అంది అవసరాలు తీరతాయి. కుటుంబంలో శుభకార్యాలపై చర్చలు. ఆరోగ్య సమస్యల నుంచి బయటపడతారు. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, శుభం కలుగుతుంది.
వృషభరాశి
కృత్తిక 2, 3, 4 పాదాలు, రోహిణి , మృగశిర 1, 2 పాదాల వారికి
ఈ వారం రాజకీయవర్గాలకు నూతన పదవులు దక్కుతాయి. వారం మధ్యలో ఉద్యోగయత్నాలు మందగిస్తాయి. శ్రమాధిక్యం. ఎంతటి వారినైనా ఆకట్టుకుని ముందుకు సాగుతారు. ఆలోచనలు అమలు చేస్తారు. కొన్ని నిర్ణయాలు మిమ్మల్ని ప్రభావితం చేస్తాయి. కాంట్రాక్టర్లకు శుభవార్తలు. మొండి బాకీలు సైతం వసూలవుతాయి. కుటుంబసమస్యలను చాకచక్యంగా పరిష్కరించుకుంటారు. ఇంటి నిర్మాణయత్నాలలో కొంత అనుకూలత. వ్యాపారాలలో నూతన పెట్టుబడులు అందుతాయి. ఉద్యోగాలలో మరింత అనుకూల పరిస్థితులు నెలకొంటాయి. అనుకూలమైన శుభ ఫలితాల కొరకు విష్ణు సహస్ర నామాలను చదువుకోవాలి. శుభం కలుగుతుంది.
మిధునరాశి
మృగశిర 3, 4 పాదాలు, ఆరుద్ర, పునర్వసు 1, 2, 3, పాదాల వారికి
ఈ వారం ఆర్థిక వ్యవహారాలు సామాన్యంగా ఉంటాయి. ఆరోగ్యంపై శ్రద్ధ అవసరం. విద్యార్థులకు శ్రమాధిక్యం. వ్యాపారాలలో ఆశించిన లాభాలు కష్టమే. ఉద్యోగాలలో మరింత పనిభారం. కళారంగం వారి యత్నాలు ముందుకు సాగవు. వారం మధ్యలో శుభవార్తలు. ఆకస్మిక ధనలాభం. వాహనయోగం. ముఖ్యమైన పనుల్లో ఆటంకాలు చికాకు పరుస్తాయి. కుటుంబంలో వ్యతిరేకత పెరుగుతుంది. నిర్ణయాలలో ఆచితూచి వ్యవహరించండి. బంధువులతో అకారణంగా విభేదాలు. ఆలోచనలు స్థిరంగా సాగవు. ఆస్తి వివాదాలు నెలకొంటాయి. విలువైన వస్తువులు జాగ్రత్త. గోచార రిత్య అష్టమ శని ప్రభావంతో ఉన్నారు కాబట్టి కాకులకు బెల్లంతో చేసిన గోధుమ రొట్టెలను వేయండి, శుభం కలుగుతుంది.